მატჩის ცუდი დასასრული

"მატჩი შეიძლება დაიყოს ორ ნაწილად. პირველი ნაწილი კარგი იყო - გუნდური თამაში, ბევრი დინამიკა, კარგი პრესინგი, სასიამოვნო საყურებელი იყო ეს ყველაფერი. სწორედ ამის თქმას ვაპირებდი გუნდისთვის შესვენებაზე, მაგრამ შემდეგ მოულოდნელად ორი გოლი გავუშვით. ჩემი უკმაყოფილება გაიზარდა, ბოლო ნახევარი საათი გულწრფელად ვთქვათ, რომ ცუდი იყო. საერთოდ არ ვიცავდით წესებს, არც პრესინგში, არც შეტევებში. მოედანზე 11 მოთამაშე იყო, რომლებიც ერთმანეთთან არანაირად არ იყვნენ დაკავშირებული, ეს იყო ინდივიდუალისტების ასპარეზობა, ეს ნამდვილად არ არის კარგი შესახედი".

ტურის სარგებლიანობა

"ვფიქრობ, ეს ტური სასარგებლო იყო გუნდისთვის. ჩვენს ბიჭებსაც იგივე ვუთხარი - კარგი ტური იყო, მაგრამ ყოველთვის გინდა, რომ კარგი შესრულებით დაასრულო ყველაფერი. ჩვენ მხოლოდ 60 წუთი ვაჩვენეთ კარგი თამაში და ძალიან ცუდი გოლები გავუშვით. პირველ გოლზე ცუდმა დაცვამ მიგვიყვანა იმ მომენტამდე, მეორეში კი შეტევის ცუდმა ფორმირებამ. კონტროლი უნდა შევინარჩუნოთ, ეს ყველაფერი მსგავსად არ უნდა მოხდეს - ეს ამხანაგურ მატჩშიც კი მიუტევებელია".

ომარი ფორსონი ისევ სწავლობს?

"მგონი, კი. თუ ამ მატჩში VAR იქნებოდა, ის აუცილებლად მოიხსნებოდა. კარგი თამაში ითამაშა და წარმატებული ქმედებებით აღიზიანებდა მეტოქეს, არ არის საჭირო ხელების შლა - ეს მისთვის გაკვეთილი იქნება. შენ თვითონ არ შეგიძლია იყო მსაჯი, შენი ამოცანაა ითამაშო ფეხბურთი, დატოვო მოწინააღმდეგე თამაშგარე და გაიტანო გოლი. ეს არის საუკეთესო პასუხი პროვოკაციებზე".

სამომავლო გეგმების შესახებ

"სახლში დაბრუნების დროა, რის შემდეგაც დასვენების დღე გვექნება. ვიმუშავებთ დღევანდელი მატჩის იმედგაცრუებული დასასრულის შემდეგ ჩვენს სტანდარტებზე, დაბრუნებაზე, ასევე სეზონის წარმატებით დასაწყებად საჭირო სქემების შემუშავებაზე",- აცხადებს დასასრულს ნიდერლანდელი სპეციალისტი.