ფაბრიციო რომანომ დაადასტურა, რომ "იუნაიტედის" გარემარბი ენტონი ელანგა "ნოტინგემ ფორესტში" გადადის.

"ენტონი ელანგას ტრანსფერი "ნოტინგემ ფორესტში" ამ კვირის ბოლომდე დასრულდება", - წერს ფაბრიციო. - "მიღწეულ იქნა შეთანხმება სრული გამოსყიდვის შესახებ. ტრანსფერის ღირებულება 15 მილიონ ფუნტს შეადგენს. თავად შვედმა ფეხბურთელმა "ფორესტთან" პირადი კონტრაქტის დეტალები შეათანხმა".

შეგახსენებთ რომ ენტონი ელანგა " მანჩესტერ იუნაიტედის" საფეხბურთო აკადემიის აღზრდილია. მას პირველ გუნდში დებიუტი 2020/21 წლების სეზონში ჰქონდა. მას შემდეგ 21 წლის შვედმა გარემარბმა "წითელი ეშაკების" მაისურით 55 მატჩი ჩაატრა. ელანგას ანგარიშზე 4 გოლი და 4 საგოლე გადაცემაა.

"ნოტინგემ ფორესტი" აქტიურად მუშაობს "მანჩესტერ იუნაიტედის" მეკარის დინ ჰენდერსონის გადასაბირებლად. სავარაუდოდ კლუბებს შორის შეთანხმება მალე იქნება მიღწეული.