ერიკ ტენ ჰაგს აქვს ფეხბურთელების საკამოდ გრძელი სია, რომლებთაც შეუძლიათ შეცვალონ ჰარი მაგუაიერი "მანჩესტერ იუნაიტედის" კაპიტნის პოსტზე. გასაკვირი არავისთვის იყო მთავარი მწვრთნელის გადაწყვეტილება, ჰარი მაგვუაიერისთვის კაპიტნის სამკლაურის ჩამორთმევის შესახებ.

გასულ სეზონში ფეხბურთელის სათამაშო დრო გუნდში საგრძნობლად შემცირდა. მაგუაიერი არც კი გამოსულა FA თასის ფინალში "მანჩესტერ სიტის" წინააღმდეგ და სეზონის ბოლოს ტენ ჰაგმა კაპიტანად ბრუნო ფერნანდეშის მოხსენიება დაიწყო. ბრუნო, ჰარის შეცვლის მთავარი კანდიდატია. თუმცა, არსებობენ სხვა შესაძლო პრეტენდენტებიც. ვნახოთ ვარიანტები

ლუკ შოუ

შოუ ამჟამინდელი "მანჩესტერ იუნაიტედის" ერთ - ერთი უძველესი კადრია. ეს საკმარისი იქნებოდა იმისთვის, რომ ის მრავალი ევროპული გუნდის კაპიტანი ყოფილიყო.

მარცხენა მცველი კლუბის წამყვანი და ერთ-ერთი ყველაზე სტაბილური მოთამაშეა. ლუკმა ახლახან გაახანგრძლივა კონტრაქტი "მანჩესტერ იუნაიტედთან" 2027 წლამდე.

ლისანდრო მარტინესი

"მოწინააღმდეგეზე უკეთ უნდა ვიბრძოლოთ, მეტი ვნებით უნდა ვითამაშოთ, მეტი ენერგიით უნდა გამოვიდეთ მოედანზე". ეს იყო მარტინესის სიტყვები აპრილში "იუნაიტედის" "ნიუკასლთან" 2-0 დამარცხების შემდეგ, რამაც საფრთხე შეუქმნა გუნდის საუკეთესო ოთხეულში მოხვედრის შანსებს.

მარტინესს არასდროს ეშინია გამოწვევის მიღება. "აიაქსიდან" გადმოსვლიდან სულ რაღაც ორიოდე თვის შემდეგ, ის "იუნაიტედის" გასახდელში ერთ-ერთი ყველაზე გავლენიანი მოთამაშე გახდა.

მარკუს რაშფორდი

ვინ თუ არა კლუბის აღზრდილი მარკუს რაშფორდი? მარკუსი შვიდი წლის ასაკიდან ირიცხება "წითელი ეშმაკებში", რაშფორდს შეუძლია იმის თქმა რომ მას "წითლების დნმ" აქვს. გარდა დიდებული გასული სეზონისა იგი ასევე არის კლუბის ელჩი.

მარკუსი პანდემიის დროს წინ აღუდგა კონსერვატიულ მთავრობას და იბრძოდა ბავშვების უფასო სასკოლო კვების უფლებისთვის. ის ასევე იბრძოდა კარიერის დასაბრუნებლად. უაღრესად იმედგაცრუებული 2021/22 სეზონის შემდეგ, ინგლისელი თავდამსხმელი განახლებული და ძლიერი დაბრუნდა, გასულ სეზონში პირველად გაიტანა 30 გოლი და მოიპოვა "იუნაიტედის" წლის საუკეთესო მოთამაშის ტიტული.

ბრუნო ფერნანდეში

ელ მაგნიფიკო ლოგიკური არჩევანია მაგუაიერის ჩასანაცვლებლად, სწორედ მას ეკეთა კაპიტნის სამკლაური გასული სეზონის უმეტეს მატჩებში. ეჭვი არავის ეპარება მის სურვილსა თუ უნარში, წინ წარუძღვეს თანაგუნდელებს, მაგრამ მის ტაქტიკას ყოველთვის სასურველი ეფექტი არ აქვს.

თუმცა, ვერანაირად ვერ ავუვლით გვერდს იმ ფაქტს რომ პორტუგალიელი ამ ფორმაციის "იუნაიტედის" შეუცვლელი კადრია. ფეხბურთელი, რომელმაც გასულ სეზონში ყველაზე მეტ მატჩში მიიღო მონაწილეობა.