The Sun - ის ინფორმაციით, ჰარი მაგუაიერს მომავალ კვირას ოფიციალურად ჩამოართმევენ კაპიტნის სამკლაურს - მიუხედავად იმისა, დარჩება თუ არა ჰარი კლუბში, იგი მომავალ სეზონში "მანჩესტერ იუნაიტედის" კაპიტნად აღარ მოგვევლინება.

ცნობილია, რომ ერიკ ტენ ჰაგი უახლოეს დღეებში ისაუბრებს გუნდთან, რათა გაიგოს ფეხბურთელების პოზიცია აღნიშნულ საკითხთან დაკავშირებით.

დიდი ალბათობით "მანჩესტერ იუნაიტედის" ახალი კაპიტანი გუნდის პორტუგალიელი ვარსკვლავი ბრუნო ფერნანდეში გახდება.

მაგუაიერმა პრემიერ ლიგის გასულ სეზონში მხოლოდ 8 მატჩში დაიწყო ძირითად შემადგენლობაში.

ბრუნო ფერნანდეში დასრულებულ სეზონში გუნდის ვიცე კაპიტანი იყო და ჰარის არ ყოფნისას სწორედ მას გაჰყავდა გუნდი მოედანზე კაპიტნის სამკლაურით.