გადატანილი მძიმე პერიოდის შემდეგ, მეისონ გრინვუდი ოფიციალურ საფეხბურთო კარიერას უბრუნდება. ამ ეტაპზე უცნობია დარჩება თუ გაასხვისებს "იუნაიტედი" მოთამაშეს.

დღეს გაჟღერებული უახლესი ინფორმაციის თანახმად, თავდამსხმელს მსურველი იტალიის ჩემპიონატიდან გამოუჩნდა. სიახლეს ცნობილი გამოცემა The Sun - ი ავრცელებს.

წყაროს ცნობით, ინგლისელის მომსახურებით "რომაა" დაინტერესებული. "მგლების" მთავარი მწვრთნელი ჟოზე მოურინიო გრინვუდის მოწვევის მთავარი ინიციატორია.

პორტუგალიელმა მენტორმა უკვე გამართა მოლაპარაკებები 21 წლის ფეხბურთელის წარმომადგენლებთან. "რომაელები" გრინვუდის იჯარას მომავალი სეზონის ბოლომდე აპირებენ.

მეისონს "წითელ ეშმაკებთან" კონტრაქტი 2025 წელს ეწურება. "მანჩესტერ იუნაიტედში" თავდამსხმელი 2019 წლის ივლისიდან თამაშობს.