"მანჩესტერ იუნაიტედი" ოფიციალურმა ვებ-გვერდმა განცხადება გაავრცელა იმ ფეხბურთელებთან დაკავშირებით, რომლებიც გუნდს დაუბრუნდნენ იჯარის ამოწურვის შემდეგ, ასევე კლუბი დატოვეს იჯარის წესით მოსულმა ფეხბურთლებმა. იჯარის წესის მოქმედების ვადა 1 ივლისს ამოიწურა.

ამად დიალო (სანდერლენდი), ჰანიბალ მეჯბრი (ბირმინჰემი), უილ ფიში (ჰიბერნიანი), ჩარლი მაკნილი (ნიუპორტ ქაუნთი), ჩარლი სევიჯი (ფორესტ გრინ როვერსი), შოლა შორეტირი (ბოლტონი), დინ ჰენდერსონი (ნოტინგემ ფორესტი), მატეი კოვაჟი (სპარტა). პრაღა), ერიკ ბაილი (მარსელი), ეთან ლაირდი (ქპრ), ალექს ტელეში (სევილია) და ალვარო ფერნანდესი (პრესტონ ნორთ-ენდი) იჯარის დასრულების შემდეგ კლუბში დაბრუნდნენ.

დიშონ ბერნარდი (პორტსმუთი), აქსელ ტუანზებე (სტოკ სიტი) და ეთან გალბრეიტი (სალფორდ სიტი) კარინგტონზე არ დაბრუნდებიან და ახალ კლუბებს მოძებნიან.

რაც შეეხება იჯარის წესით კლუბში მოსულ მოთამაშეებს, მარსელ ზაბიცერი და ვაუტ ვეგჰორსტი შესაბამისად მიუნხენის "ბაიერნში" და "ბარნლიში" ბრუნდებიან . "იუნაიტედს" დაემშვიდობა მესამე მეკარე ჯეკ ბატლენდი და კონტრაქტი გლაზგოს "რეინჯერსთან" გააფორმა.