"მანჩესტერ იუნაიტედისა" და არგენტინის ეროვნული ნაკრების ცენტრალური მცველი ლისანდრო მარტინესი ტრავმის შემდეგ ვარჯიშს დაუბრუნდა. თავად ფეხბურთელმა სოციალურ ქსელში სავარჯიშო სესიებიდან ფოტოები გამოაქვეყნა.

შეგახსენებთ, რომ 25 წლის ფეხბურთელმა ევროპა ლიგის მეოთხედფინალის მატჩში, აპრილის თვეში, "სევილიას" წინააღმდეგ გამართულ შეხვედრაში, მეტატარსალური ძვალი მოიტეხა და ამის გამო სეზონის ბოლო ნაწილი გამოტოვა.

ლისანდრო ინგლისურ გრანდს გასულ ზაფხულს შეუერთდა, ჩატარებულ სეზონში მან "წითელი ეშმაკების" რიგებში 45 მატჩში მიიღო მონაწილეობა, რომელშიც ერთხელ თავის გამოჩენა გოლითაც შეძლო.

მარტინესი ასევე გახდა მსოფლიო ჩემპიონი არგენტინის ნაკრების შემადგენლობაში ყატარში გამართულ მსოფლიო ჩემპიონატზე. აღნიშნული ტრანსფერი შეიძლება ითქვას, რომ "მანჩესტერელთათვის" წარმატებული გამოდგა.