ფაბრიციო რომანოს ინფორმაციით, "მანჩესტერ იუნაიტედმა" მესამე, გაუმჯობესებული შეთავაზება გაუმზადა "ჩელსის" მეისონ მაუნტის თაობაზე. საუბარია €65 მილიონზე.

შეგახსენებთ, რომ "მანჩესტერ იუნაიტედის" პირველი ოფიციალური შეთავაზება მაუნტის თაობაზე "ჩელსიმ" დაბლოკა" - საუბარი იყო 47 მილიონ ევროზე. რამოდენიმე დღის წინ დაიბლოკა მეორე შეთავაზება, რომელიც გულისხმობდა - €58 მილიონს (ბონუსების ჩათვლით).

მხარეები ოპტიმისტურად არიან განწყობილნი. "ჩელსის" მაუნტის გაყიდვა სურს, ხოლო მეისონის სურვილი "იუნაიტედში" თამაშია. იტალიელი ჟურნალისტის ცნობით, "მანჩესტერის" მიმდინარე შეთავაზება ბოლო იქნება და "წითელი ეშმაკები" €65 მილიონზე მეტს აღარ გადაიხდიან.

შეგახსენებთ რომ მეისონ მაუნტი "არისტოკრატების" აღზრდილია. მან "ჩელსიში" ოთხი სეზონი გაატარა და "ლურჯების" მაისურით 195 მატჩი გამართა და 33 გოლის გატანა მოახერხა.