TeamTALK იტყობინება, რომ ჯეიდონ სანჩოს მომავალი ოლდ ტრაფორდზე ბუნდოვანია. "დორტმუნდი" სანჩოს დაბრუნების რეალური კანდიდატია და ტრანსფერზე მუშაობის დაწყებას აპირებს.

ფლორიან პლეტენბერგი Sky Germany-დან იუწყება, რომ "ლაიფციგი" ენტონი ელანგას შესახებ მოლაპარაკებებს აწარმოებს "იუნაიტედთან", მაგრამ ისინი მოწინავე პოზიციებზე ჯერ არ არიან. ფეხბურთელის მიმართ ინტერესი ბევრი სხვა კლუბიდანაც არსებობს. გარიგება 15-20 მილიონ ევროდ არის შეფასებული.

Football Insider გვატყობინებს, რომ "ასტონ ვილას" ჰარი მაგუაირის მიმართ განსაკუთრებული ინტერესი აქვს. უნაი ემერის საკმაოდ დიდი სატრანსფერო ბიუჟეტი გამოუყვეს და დიდი სურვილი აქვს, დაცვა გააძლიეროს. ხოლო ფაბრიციო რომანოს ინფორმაციით, "იუნაიტედის" კაპიტნით "ტოტენჰემიც" არის დაინტერესებული – კლუბი მაგვაიერს 46 მილიონად აფასებს.

იტალიური გაზეთის Mattino ინფორმაციით, "ნაპოლის" ცენტრალური მცველი კიმი თანაგუნდელებს დაემშვიდობა – "იუნაიტედში" მისი ტრანსფერი დროის საკითხია. პირველი შეთავაზება ივლისის თვეში გაკეთდება (1-14 ივლისის პერიოდში), როდესაც ფეხბურთელის კონტრაქტში გამოსასყიდი თანხა ამოქმედდება, კერძოდ კი 60 მილიონი ევრო.