შეიხმა ჯასიმიმ "მანჩესტერ იუნაიტედის" შესაძენად მეხუთე და საბოლოო შემოთავაზება გააკეთა. მისი სურვილი 100%-იანი წილის დაუფლებაა. ეს შემოთავაზება ბოლოა – თუ მორიგ უარს მიიღებს, შეიხი ჯასიმი კატარის ჯგუფთან ერთად საქმიდან გავა. საუბარია 6-6.5 მილიარდ დოლარიან გარიგებაზე.

შეიხის კატეგორიულობა იმითაა განპირობებული, რომ სულ მალე სატრანსფერო ფანჯარა გაიხსნება და მისი სურვილია, კლუბი დროულად გადაიფორმოს და მზად იყოს სატრანსფერო ინვესტორებისთვის. შეთავაზება 100%-იაინ წილს ეხება.

შეიხი მიიჩნევს, რომ მისი შემოთავაზება საკმაოდ კონკურენტუნარიანია, რადგან მთლიანად ფარავს "მანჩესტერ იუნაიტედის" თითქმის ერთ მილიარდიან ვალს. იგი ასევე ითვალისწინებს ფონდის შექმნას, რომელიც "ოლდ ტრაფორდისა" და კლუბის სავარჯიშო ბაზის "კარინგტონის" რეკონსტრუქციაზე პასუხისმგებელი იქნება.

სავარაუდოდ, კლუბის გაყიდვის შესახებ გადაწყვეტილებას გლეიზერების ოჯახი მალე მიიღებს. შეგახსენებთ, რომ "იუნაიტედის" ყიდვა ბრიტანელ მილიარდელ სერ ჯიმ რედკლიფსაც სურს.