ჯოისი:"ვიმედოვნებ, რომ ფაბიო დიდ სარგებელს მოუტანს "იუნაიტედს"
"იუნაიტედის" რეზერვისტთა გუნდის მწვრთნელმა უორენ ჯოისმა განაცხადა, რომ ფაბიოს ძალიან კარგი შანსი ექნება ძირითადში ადგილის დამკვიდრებისთვის, როდესაც არენდიდან დაბრუნდება...
ბრაზილიელი მცველი ახლა არენდით "ქუინზ პარკ რეინჯერსში" იმყოფება და უკვე დაიმკვიდრა ძირითად შემადგენლობაში ადგილი. უორენ ჯოისი კი დარწმუნებულია, რომ ფაბიოს ყველანაირი შანსი აქვს, რომ "იუნაიტედშიც" დაიმკვიდროს ადგილი, როგორც ძირითადის მოთამასე:"ფაბიომ კარგად წარმოგვიდგინა თავი "ქუინზ პარკ რეინჯერსის" შემადგენლობაში. ის კარგ გამოცდილებას იღებს ამ კლუბში. ვიმედოვნებ, რომ სეზონის ბოლომდე ის სასტარტო შემადგენლობაშიც დაიმკვიდრებს ადგილს." - განაცხადა ჯოისმა thepeoplesperson.com-თან.
"ამ სეზონში მისი ძმა რაფაელი ფანტასტიკურ ფეხბურთს გვაჩვენებს. მაგრამ ფაბიოს და მის ძმას შორის არის პატარა განსხვავება. ახლა თქვენ თავისუფლად შეგიძლიათ თქვათ თუ ვინაა საუკეთესო მათ შორის, მაგრამ ფაბიოს სულ ცოტა დრო სჭირდება, რომ ეს ყველაფერი დაამტკიცოს. ვიმედოვნებ, რომ ის კიდევ ბევრ სარგებლობას მოუტანს "იუნაიტედს", როდესაც არენდიდან დაბრუნდება."