იტალიელი ინსაიდერის ფაბრიციო რომანოს ინფორმაციით, "მანჩესტერ იუნაიტედს" "ჩელსისთან" მეისონ მაუნტის შესახებ მოლაპარაკებები ჯერ არ დაუწყია. "ჩელსი" ინგლისელ ნახევარმცველს 70 მილიონ ფუნტად აფასებს. "წითლების" ხელმძღვანელობას ამხელა თანხის გადახდა არ სურს.

იტალიელი ჟურნალისტის ცნობით, "მანჩესტერის" მესამე მეკარემ ჯეკ ბატლენდმა გუნდი დატოვა. 30 წლის კიპერი "იუნაიტედში" განათხოვრების წესით "კრისტალ პალასიდან" იმყოფებოდა. ჯეკ ბატლენდმა უკვე გააფორმა კონტრაქტი გლაზგოს "რეინჯერსთან". ბატლენდს "იუნაიტედის" მაისურით მატჩი არ ჩაუტარებია.

Sky Sports-ის ჟურნალისტის ფლორიან პლეტენბერგის ინფორმაციით, "წითელი ეშმაკები" ყურადღებით აკვირდებიან მიუხენის "ბაიერნის" ფეხბურთელის ლეონ გორეცკას გარშემო შექმნილ სიტუაციას. კონკრეტული მოლაპარაკებები ამ დროისთვის არ მიმდინარეობს; 28 წლის გერმანელის სურვილი მიუხენში დარჩენაა.

The Daily Mail-ის ჟურნალისტის ადრიან კაიუმბას ცნობით, "ბრაიტონი" ეკვადორელი ნახევარმცველის მოისეს კაისედოს ტრანსფერში 80 მილიონს ითხოვს. 21 წლის ფეხბურთელის მიმართ ინტერესს "იუნაიტედის" გარდა "ჩელსი" და "არსენალი" გამოხატავს.