"მანჩესტერ იუნაიტედი" ახალი ცენტრალური მცველის შეძენასთან ძალიან ახლოს არის. საუბარია "ნაპოლის" ფეხბურთელზე კიმ მინ ჯაეზე, რომელიც სერია A- ს ერთ-ერთი მთავარი აღმოჩენა გახლდათ.

ჟურნალისტი დანიელ ლონგო იტყობინება, რომ "წითელი ეშმაკები" მცველისთვის სატრანსფერო ბრძოლას ლიდერობენ, რომელსაც კონტრაქტში აქვს ფიქსირებული პუნქტი რომლის მეშვეობითაც მისი გამოსყიდვა ზაფხულის სატრანსფერო ფანჯრის გახსნისთანავე იქნება შესაძლებელი.

ინგლისური გრანდი მზად იქნება გადაიხადოს საჭირო 60 მილიონი ევრო კორეელი ფეხბურთელის სანაცვლოდ.

კიმ მინ ჯაემ, ლუჩიანო სპალეტის გუნდის გაჩემპიონებაში უდიდესი წვლილი შეიტანა რის შემდეგაც ის აქტიური სამიზნე გახდა სხვადასხვა ევროპული გრანდისათვის.