"მანჩესტერ იუნაიტედი" ზაფხულის სატრანსფერო ფანჯრის გახსნისთანავე შემადგენლობის მნიშვნელოვნად გაძლიერებას შეეცდება.

Football Insider-ის მიერ გავრცელებული ცნობით, "წითელი ეშმაკები" დევიდ მოიესის "ვესტ ჰემის" ნახევარმცველის დეკლან რაისისთვის ბრძოლაში ჩაერთვებიან.

აქამდე სპორტული პრესა აქტიურად უკავშირებდა რაისის მომავალს ლონდონის "არსენალსა" და მიუნხენის "ბაიერნს".

მოსალოდნელია, რომ "ჩაქუჩები" თავისი კაპიტნისთვის დაახლოებით 100 მილიონ ფუნტს (დაახლოებით 116 მილიონი ევრო) მოითხოვენ.

2022/2023 წლების სეზონში დეკლან რაისმა 49 ოფიციალური მატჩი ჩაატარა. 24 წლის ნახევარმცველის ანგარიშზე ხუთი გოლი და ოთხი საგოლე გადაცემაა.