ლონდონის "ტოტენჰემის" მთავარი დამრტყმელი ძალა ჰარი კეინი, ზაფხულის სატრანსფერო ფანჯარაზე ყველა იმ კლუბს ვინც ინგლისის პრემიერ ლიგიდან არ იქნება ტრანსფერზე უარს ეტყვის.

ფეხბურთელის მთავარი და გამოკვეთილი პრიორიტეტია დარჩეს სამშობლოში და ასპარეზობა კვლავ პრემიერ ლიგაში გააგრძელოს.

ჰარის წარმომადგენლებმა უკვე განუცხადეს უარო ფრანგულ "პარი სენ ჟერმენს", თავის მხრივ უარყოფითი პასუხი მიიღო მადრიდის "რეალმაც". თუმცა, "ტოტენჰემს" არ სურს კეინის ტრანსფერით სხვა რომელიმე პრემიერლიგური გრანდი გააძლიეროს.

მიმდინარე ხელშეკრულებით თავდამსხმელი "დეზებს" კიდევ ერთი წლით უკავშირდება, ერიკ ტენ ჰაგის "მანჩესტერ იუნაიტედი" ჰარის დამატებას აქტიურად ცდილობს, თუმცა ლონდონი უარზეა.

პრემიერ ლიგის ისტორიაში საუკეთესო ბომბარდირის წოდება და ალან შირერის რეკორდის დამხობა - ეს გახლავთ ის მიზანი რომლის მიღწევასაც ფორვარდი სხვა პრემიერლიგური გრანდის მეშვეობით შეეცდება ახალი სეზონიდან. აღნიშნული ინფორმაცია Mirror- მა გაავრცელა.