"მანჩესტერ იუნაიტედის" თავდამსხმელმა მარკუს რეშფორდმა ამ სეზონში 30 გოლის გატანა მოახერხა. იგი გახდა "იუნაიტედის" პირველი მოთამაშე 10 წლის შემდეგ, რომელმაც აღნიშნული სტატისტიკა გაიმეორა. "წითელი ეშმაკების" მთავარი მწვრთნელი ერიკ ტენ ჰაგი მიიჩნევს, რომ მარკუსს მეტი შეუძლია:

"მარკუსს საკუთარი თამაშის გაუმჯობესება და მეტის გატანა შეუძლია. მაგალითად, ბოლო 10 მატჩში მან მხოლოდ 2-3 გოლი გატანა მოახერხა, ასე რომ მას აქვს პოტენციალი, მოუმატოს და გოლები სტაბილურად გაიტანოს.

მე კმაყოფილი ვარ მისით. ფაქტია, მარკუსი ახალ ეტაპზე გადავიდა. მიხარია, რომ გუნდში მყავს ფეხბურთელი, რომელსაც მეტი შემიძლია მოვთხოვო. ჩვენ მას მხარს ვუჭერთ როგორც სათამაშო კუთხით, ისე მენტალურად. ვფიქრობ, მომდევნო სეზონში 40 გოლის გატანის რესურსი აქვს და ეს მისთვის ახალი მიზანი უნდა იყოს". - თქვა ნიდერლანდელმა.

შეგახსენებთ, რომ იუნაიტედის 25 წლის ფეხბურთელმა კარიერაში საუკეთესო სეზონი ჩაატარა, გაიტანა რა 30 გოლი ყველა ტურნირზე "მანჩესტერის" მაისურით. "იუნაიტედი" მოლაპარაკებებს აწარმოებს მარკუსთან კონტრაქტის გახანგრძლივებასთან დაკავშირებით. რეშფორდის მიმდინარე კონტრაქტი "წითლებთან" 2024 წელს იწურება.