როგორც უკვე მოგეხსენებათ "მანჩესტერ იუნაიტედმა" მომავალ სეზონში ჩემპიონთა ლიგაზე ადგილი მოიპოვა. მთავარმა მწვრთნელმა ერიკ ტენ ჰაგმა მნიშვნელოვანი გზავნილი გაუგზავნა კლუბის ლიდერებს "ჩელსი"- სთან გამარჯვების შემდეგ.

ჰოლანდიელმა სპეციალისტმა აღნიშნა, რომ კლუბს სჭირდება ტრანსფერების განხორციელება, რათა უფრო სერიოზული პრობლემების გადაჭრის იმედი ჰქონდეს.

"მე ვხედავ, რომ ჩვენ მეტი გვჭირდება.
ჩვენ გვაქვს კარგი ბაზა და რესურსი იმისთვის, რომ მოვიპოვოთ ადგილი ტოპ 4-ში, მაგრამ დიახ, ჩვენ გვინდა ვიბრძოლოთ ტიტულებისთვის.

ახლა შორს ვართ ამისგან, ბევრი სამუშაო გვაქვს შესასრულებელი. უკვე მივაღწიეთ პროგრესს, მაგრამ გვჭირდება საუკეთესო მოთამაშეები, თუ გვსურს, რომ ვიბრძოლოთ უმაღლესი მიზნებისთვის", - განუცხადა ტენ ჰაგმა ჟურნალისტებს.