"მანჩესტერ იუნაიტედი" ზაფხულის სატრანსფერო ფანჯრისთვის გუნდის მნიშვნელოვნად გაძლიერებას გეგმავს სატრანსფერო სამიზნეები განხილვის პროცესშია მატებაა ტენ ჰაგის სატრანსფერო სიაშიც.

Calciomercatoweb-ის ცნობით, "წითელი ეშმაკები" "ბებერი ქალბატონის" გარემარბს ფედერიკო კიეზას აკვირდებიან. უახლოეს კვირებში კი ინგლისელებმა შესაძლოა "ტურინულ" კლუბს შეთავაზება გაუკეთონ.

აღსანიშნავია, რომ კიეზას ღირებულება 50 მილიონი ევრო იქნება. ალეგრიმ მოთამაშის მიმართ ერთგვარი ნდობა დაკარგა იმ ფონზე, რომ ფედერიკოს სათამაშო დრო ძალიან მცირედით ეძლევა, ამ ყველაფერმა კი შესაძლოა მის მომავალზე იმოქმედოს.

ითალიელი ფეხბურთელი ჯერ მხოლოდ 25 წლისაა. 2022/2023 წლების სეზონში გარემარბმა 31 ოფიციალური მატჩი ჩაატარა. მათში კიეზამ სამი გოლის გატანა მოახერხა ხოლო თანაგუნდელებს ექვსჯერ გაატანინა.

პრესაში გაჟღერებული ინფორმაციის თანახმად, კიეზას გარდა "მანჩესტერული" რადარები "ტურინელთა" კიდევ ერთი ფეხბურთელისკენ ვლაჰოვიჩისკენაა მიმართული.