მნიშვნელოვანი მატჩი პრემიერ ლიგის დასკვნით ფაზაში, მნიშვნელოვანი სამი ქულა და უდიდესი ალბათობით "მანჩესტერ იუნაიტედმა" ოთხეულში ადგილი გაინაღდა.

"ბორნმუთის" დამარცხების შემდეგ ერიკ ტენ ჰაგის გუნდმა მდევარ "ლივერპულს" ჩემპიონთა ლიგის ზონაში მოსახვედრი შანსები ფაქტიურად გაუქრო.

მატჩის შემდეგ კომენტარი "წითელი ეშმაკების" კარის დარაჯმა დავიდ დე ხეამაც გააკეთა რომელმაც აღნიშნულ მატჩში გოლის ავტორის კაზემიროს მიმართ საქებარი სიტყვები არ დაიშურა.

"ყველას ღრმააზროვნად გვქონდა გათავისებული, რომ დღევანდელ მატჩს დიდი მნიშვნელობა ჰქონდა. პირველი 25 წუთი გადამწყვეტი იყო, ჩვენ იდეალურად დავიწყეთ, რამაც საბოლოოდ მოგვცა საშუალება გაცილებით მშვიდად გვეთამაშა.

რა თქმა უნდა, საბოლოოდ ეს ჩვენთვის ადვილი არ იყო, მაგრამ მთავარი შედეგია. რაც შეეხება კაზემიროს? ჩვენ ის შეტევაში უნდა დავაყენოთ (იცინის), შესანიშნავად აცნობიერებს თავის შანსებს და იყენებს მათ.

"ოქროს ხელთათმანი"? ეს მხოლოდ ჩემს თამაშს არ ეხება, მთელი გუნდის დამსახურებაა პრიზი რომელიც გადმომეცემა, ამ სეზონში დაცვაში შესანიშნავად ვითამაშეთ", - ციტირებს BBC დე ხეას სიტყვებს.