კიმ მინმა წინასწარი მოლაპარაკებები გამართა "პსჟ"-სთან, "ნაპოლის" ცენტრალური მცველის მიმართ ინტერესი დღითიდღე უფრო იზრდება.

26 წლის ფეხბურთელს ბოლო პერიოდში აქტიურად უკავშირებენ "იუნაიტედს". კიმმა შესანიშნავად გამოიჩინა თავი ყატარში გამართულ მსოფლიო ჩემპიონატზე. მან აგრეთვე წარმატებას მიაღწია საკლუბო დონეზეც, ცოტა ხნის წინ სპალეტის გუნდმა ნანატრი სკუდეტოს მოგება იზეიმა.

როგორც იცით, ჰაგისთვის პრიორიტეტი მაღალი დონის ფორვარდის დამატებაა, თუმცა ამასთან მისი სურვილი დაცვის გაძლიერებაც არის. ბოლოს გავრცელებული ინფორმაციების მიხედვით "წითლებმა" უკვე შეათანხმეს კორეელის ტრანსფერი, თუმცა მისმა აგენტმა კატეგორიულად უარყო ყოველივე ეს.

ფრანგული გამოცემა RMC Sport-ის ცნობით, "პსჟ"-ს სატრანსფერო სიაში კიმის სახელი ფიგურირებს და ფრანგები ყველაფერს გააკეთებენ ზაფხულის სატრანსფერო ფანჯარაზე მცველის დასამატებლად.