იან რაითი "მანჩესტერს" მოუწოდებს, რომ მოთმინება გამოიჩინოს ანტონის მიმართ. ის აგრეთვე პარალელს ავლებს დარვინ ნუნიესთან, რომლისთვისაც რთული გამოდგა სადებიუტო სეზონი "ლივერპულში".

ბრაზილიელი ფეხბურთელი დიდი თანხის სანაცვლოს შეუერთდა "იუნაიტედს". თამამად შეიძლება იმის თქმა, რომ ანტონი ვერ ამართლებს ჯერჯერობით მოლოდინებს იქიდან გამომდინარე, რომ მისი ტრანსფერი კოლოსალურ თანხად დაუჯდათ "წითლებს".

"ვულვზის" წინააღმდეგ საკმაოდ კარგი პერფორმანსი შემოგვთავაზა ანტონიმ. მიუხედავად რამდენიმე არასწორი გადაწყვეტილებისა, საერთო ჯამში ბრაზილიელმა ძალიან კარგი მატჩი ჩაატარა და ამავდროულ საგოლე გადაცემაც მიითვალა საკუთარ ანგარიშზე.

"ვფიქრობ, ანტონის მდგომარეობა დარვინ ნუნიესის მსგავსია.

ეს გამომდინარეობს ფასიდან. ხალხი ძალიან ბევრს მოელის ამ ფეხბურთელებისგან, ჩვენ ვიცით მათი პოტენციალის შესახებ, მაგრამ ორივესთვის სადებიუტო სეზონია პრემიერ ლიგაში.

ჩემი აზრით, ანტონი დროთა განმავლობაში ყველაფერს უკეთ გააკეთებს, ისწავლის სწორი გადაწყვეტილებების მიღებას საჭირო მომენტში. ამის კარგი მაგალითია მისი საგოლე გადაცემა, რომელიც მარსიალმა გოლად აქცია.",-აცხადებს რაითი.