მნიშვნელოვანი გამარჯვებისა და სამი ქულის მოპოვების შემდეგ, ჟურნალისტებისათვის მიცემულ ინტერვიუში ბრუნო ფერნანდეშმა მატჩი შეაფასა და პუბლიკას საკუთარი აზრები გაუზიარა.

"ოლდ ტრაფორდელებმა" სტუმრად მოსულ "მგლებს" ორი უპასუხო ბურთი გაუტანეს და სატურნირო ცხრილში მნიშვნელოვან ქულებს მოუყარეს თავი, პრემიერ ლიგაში თავისი სადებიუტი მატჩი ჩაატარა "ვულვზის" კიპერმა დენიელ ბენტლიმ რომელიც შესრულებული "სეივებით" სტუმართა მხრიდან ერთერთი საუკეთესო იყო.

"კარგად ვითამაშეთ თუმცა მეტის გატანაც შეგვეძლო, მათ მეკარემ შესანიშნავად ითამაშა და დაუჯერებელი სეივებიც შემოგვთავაზა.

მისი დამსახურება იყო, რომ მოწინააღმდეგე კარგა ხნის მანძილზე თამაშში იმყოფებოდა. ეს არ იყო ის მომენტი როდესაც შანსები ხელიდან გავუშვით ის უბრალოდ თავდაჯერებული იყო.

ვიცოდით რომ გამარჯვება გვჭირდებოდა იმ ყველაფრის ფონზე რაც ბოლო დროს ჩვენს თავს მოხდა",- ციტირებს ჟურნალისტი შამინ ჰაფეზი პორტუგალიელის სიტყვებს.