"იუნაიტედი" მზადაა კონკურენცია გაუწიოს "არსენალს" დეკლან რაისის ტრანსფერისთვის.

სავარაუდოა, რომ 24 წლის ფეხბურთელი ამ ზაფხულს დატოვებს "ვესტ ჰემს". მისი სურვილი ტიტულების მოგება და ჩემპიონთა ლიგაზე თამაშის შესაძლებლობაა. "მეთოფეებს" გასულ ზაფხულსაც სურდათ აღნიშნული ტრანსფერის განხორციელება.

ტენ ჰაგს სხვა პოზიციების გაძლიერებასთან ერთად მაღალი დონის ნახევარმცველის შეძენაც სურს. ერიკის სურვილი ფრენკი დე იონგის ტრანსფერი იყო, თუმცა ჰოლანდიელმა "ბარსელონაში" დარჩენა გადაწყვიტა.

ერთ-ერთ სამიზნეს ბელინგემიც წარმოადგენს, მაგრამ ბოლო დროს გავრცელებული ინფორმაციების მიხედვით ჯუდმა უკვე შეათანხმა პირადი კონტრაქტი "რეალთან".