გავლენიანმა იტალიელმა ინსაიდერმა ფაბრისიო რომანიომ "იუნაიტედის" საზაფხულო გეგმები მიმოიხილა.

კლუბის გაყიდვის შესახებ

შეიხ ჯასემი დარწმულებულია, რომ იგი მოახერხებს კლუბის შეძენას. შეიხისთვის ეს საქმე უკვე პრინციპის საკითხია. ყველა დაინტერესებული მხარის სურვილია, რომ ეს სიტუაცია მაისის ბოლომდე გადაწყდეს.

ფორვარდის ყიდვის აუცილებლობაზე

"იუნაიტედისთვის" თავდამსხმელის ყიდვა პრიორიტეტია. კლუბის სამიზნეთა სია ასე გამოიყურება: ჰარი კეინი, ვიქტორ ოსიმენი, რენდალ კოლო მუანი. "მანჩესტერი" განიხილავს ატალანტას თავდამსხმელის რასმუს ჰოილუნდის ვარიანტსაც. თუმცა, დანიელთან მიმართებაში ჯერ პროგრესი არ შეინიშნება. თავდამხმელის შეძენის შემდეგ თუ ბიუჯეტი მისცემს კლუბს საშუალებას, ისინი ნახევარმცველის პოზიციას გააძლიერებენ.

მეკარის პოზიციაზე

დავიდ დე ხეასთან ახალ კონტრაქტთან დაკავშირებით მოლაპარაკება წარმატებით მიმდინარეობს. ესპანელი მზადაა დაიკლოს არსებული ხელფასი. შესაბამისად, "პორტოდან" დიოგო კოშტას ტრანსფერი გამორიცხულია. "იუნაიტედი" არ შეიძენს ძვირადღირებულ მეკარეს, თუმცა "წითლები" აუცილებლად მოიყვანენ კარგი უნარების მქონე მეორე მეკარეს, რომელიც კონკურენციაში შევა ესპანელთან.

ჯიმ მინ ჯეს შესახებ

"მანჩესტერი", "ნიუკასლი" და კიდევ ორი პრემიერლიგის კლუბის ცდილობს იტალიური "ნაპოლის" ცენტრალური მცველის კიმ მინ ჯეს გადაბირებას. სამხრეთ კორეელის მიმართ ინტერესს "ეშმაკები" გასული წლის ბოლოდან იჩენენ.