"მანჩესტერ იუნაიტედის" ლეგენდარული ფეხბურთელი რიო ფერნდინანდი თვლის, რომ მომდევნო სეზონში გუნდის კაპიტნის სამკლაური ბრუნო ფერნანდეშმა უნდა მოირგოს.

რიო აღფრთოვანებულია ბრუნოს თამაშით "ასტონ ვილას" წინააღმდეგ. პორტუგალიელის გოლი საბოლოოდ გუნდისთვის გამარჯვების მომტანი აღმოჩნდა. "ტოტენჰემთან" ნათამაშები ფრის შემდეგ ეს მოგება ძალიან მნიშვნელოვანი იყო "წითლებისთვის" როგორც სატურნირო, ისე ფსიქოლოგიური თვალსაზრისით.

ფერნანდეშს გასულ მატჩში სამკლაური ჰარი მაგუაერის არ ყოფნის გამო ეკეთა. ჰარის მომავალი გაურკვეველია და დიდი შანსია მაგუაიერმა "მანჩესტერი" დატოვოს. რიოს აზით ფერნანდეში მზადაა ამ პასუხისმგებლობის ასაღებად.

"ჩვენ დავიმსახურეთ მატჩის მოგება. ბრუნო? უბრალოდ გასაოცარია რასაც ეს ფეხბურთელი აკეთებს. "არსენალში" რომ ეთამაშა შეიძლება "ემირეიტსზე" ძეგლი დაედგათ მისთვის.

გახდება თუ არა ფერნანდეში გუნდის კაპიტანი მომდევნო სეზონში? 100 პროცენტით დარწმუნებული ვარ რომ კი. რაც ბრუნო "იუნაიტედში" გადმოვიდა ძალიან ბევრი მისცა გუნდს. იგი არის დიდებული ფეხბურთელი და ამოვდროულად დაჯილდოვებულია იმ თვისებებით, რომელიც საჭიროა კაპიტნობისთვის.",-აცხადებს ფერდინანდი.