"მანჩესტერ იუნაიტედის" მეკარე დავიდ დე ხეა კმაყოფილია გუნდის პროგრესით ამ სეზონში. მაგრამ ამბობს, რომ "წითელ ეშმაკებს" უფრო მეტის გაკეთება სურთ.

ერიკ ტენ ჰაგის გუნდი 3 ივნისს ინგლისის თასის ფინალურ მატჩს გამართავს "მანჩესესტერ სიტის" წინააღმდეგ.

"ძალიან დაძაბული მატჩი იყო, საბოლოოდ ჩვენ გამარჯვება დავიმსახურეთ. "ბრაიტონი" დიდებული გუნდია, რომელიც მართლაც კარგ ფეხბურთს თამაშობს. ფინალში გასვლა შევძელით, მაგრამ ხუთშაბათს კიდევ ერთი მნიშვნელოვანი დაპირისპირება გველის, აქედან გამომდინარე სწრაფად გვმართებს ძალების აღდგენა.

მოწინააღმდეგე გუნდის ფეხბურთელები დამაჯერებლები იყვნენ პენალტების სერიაში, მე როგორც ყოველთვის მომზადებული ვიყავი და ვცილობდი ზეწოლა მომეხდინა მათზე. ფინალამდე ჯერ დიდი დროა დარჩენილი, თუმცა ეჭვგარეშეა, რომ ეს იქნება დიდებული მატჩი მსოფლიოს ერთ-ერთ საუკეთესო გუნდთან.

"ოლდ ტრაფორდზე" ჩვენ შევძელით უკვე მათი დამარცხება, რათქმაუნდა ფინალშიც იგივე შემართებით ვიასპარეზებთ. ერთი თასის მოგება უკვე შევძელით, გვაქვს მეორე ტიტულის მოპოვების იდეალური შანსი, პარალელურად ვაგრძელებთ ბრძოლას ოთხეულისთვის. ეს ყველაფერი არ არის საკმარისი, თუმცა ფაქტია გუნდი სწორ გზაზე დგას გასული სეზონებისგან განსხვავებით.",-აცხადებს დე ხეა