"იუნაიტედის" ლეგენდებმა გარი ნევილმა და როი კინმა ბევრჯერ გააკრიტიკეს " იუნაიტედის" პორტუგალიელი ვარსკვლავი ბრუნო ფერნანდეში იმის გამო, თუ როგორ იქცევა ის მოედანზე.

ნევილმა "სამარცხვინო" უწოდა მის მოქმედებებს "ლივერპულთან" მატჩის დროს, რომელიც "წითელი ეშმაკებისთვის" გამანადგურებელი ანგარიშით 7-0 დასრულდა.

ბრუნომ პასუხი გასცა მათ კრიტიკას, აღიარა რომ მისი საქციელი ხანდახან სცდება ზღვარს, მაგრამ უარყო ბრალდება, რომ იგი პატივს არ სცემს თავის თანაგუნდელებს.

ნახევარმცველის სიტყვებით, მისი საქციელი თანაგუნდელების მიმართ უნდა აღიქვან როგორც ქმედება მათ გასამხნევებლად.

"მგონი შესამჩნევია რომ ხანდახან ჩემი ქმედებები სცილდება დაშვებულ ზღვარს, მაგრამ როგორც ვამბობ, ასეთი რამ ხდება თამაშის დროს და ხანდახან ძალიან მიჭირს ემოციების კონტროლი.

მე არ ვცდილობ ჩვენი ფეხბურთელების დაკნინებას, ყველას გვსურს გავიმარჯვოთ. მე უბრალოდ ვფიქრობ, რომ როგორც აღვიქვამ თამაშს, მუხტი რომელსაც განვიცდი, მეხმარება ვიყო უკეთესი ფეხბურთელი და მეტი მივცე კლუბს. ამიტომ ვთამაშობ ზუსტად ასე და ასეთი ვარ შვიდი წლის ასაკის შემდეგ.

მძულს წაგება, მსურს გავიმარჯვო ყველა თამაშში, რომელშიც ვიღებ მონაწილეობას. ყოველთვის მთელ სულსა და გულს ვდებ თამაშში და სხვებსაც მოვუწოდებ იგივე ქნან.

ამიტომაც, როდესაც რომელიმე ჩემს თანაგუნდელს რაღაცას მოვუწოდებ მოედანზე, ეს მხოლოდ იმიტომ ხდება, რომ მე მჯერა მათი შესაძლებლობების, იმის, რომ მათ უკეთ შეუძლიათ თამაში", - აცხადებს დასასრულს ფერნანდეში.