ერიკ ტენ ჰაგის "მანჩესტერ იუნაიტედმა" ევროპა ლიგის მიმდინარე სეზონის გათამაშება ესპანეთში დაასრულა. ინგლისური გრანდი "ანდალუსიაში" 3-0 დამარცხდა.

საერთო ანგარიში გუნდებმა 5-2 დააფიქსირეს "სევილიას" სასარგებლოდ, ესპანელები შემდეგ ეტაპზე იმყოფებიან.

მატჩის შემდეგ ტრადიციულად კომენტარი "ოოლდ ტრაფორდელების" მენეჯერმა გააკეთა რომელსაც ქვემოთ შემოგთავაზებთ.

"ჩვენ უკეთ უნდა ვითამაშოთ. დღეს ძალიან თავისუფლად ვიმოქმედეთ, მეტოქის ზეწოლას ვერ გავუმკლავდით. "სევილიას" გაცილებით მეტი სურვილი ჰქონდა გამარჯვების მოპოვების.

მე ჩემს გუნდს ვენდობი და მათ უნდა დაამტკიცონ, რომ იმსახურებენ თამაშს, მაგრამ დღეს ისინი საკმარისად კარგები არ იყვნენ.

გვქონდა დიდი შესაძლებლობა, რომ მიგვეღწია ევროპის ლიგაში წარმატებისთვის - ახლა ეს შესაძლებლობა გაქრა, ჩვენ თვითონ ვართ დამნაშავე",- თქვა ტენ ჰეგმა BT Sport-თან ინტერვიუში.