ინგლისელი მცველის აზრით, "მანჩესტერ იუნაიტედს" ინტრიგა მანამ უნდა მოეკლა ვიდრე "ჩელსი" პირველ გოლს გაიტანდა.

რიო ფერდინანდმა განაცხადა, რომ "ეშმაკებს" არ უნდა მიეცათ ნება "არისტოკრატებისთვის" თამაშში დაბრუნებისა. "ჩვენ ძალიან იმედგაცრუებულნი ვართ შედეგით, მითუმეტეს, რომ პირველი ტაიმი ძალიან კარგად ჩავატარეთ. უბრალოდ ინტრიგა უნდა მოგვეკლა მატჩში. მეორე ნახევარში მათ შანსები მივეცით, რაც ძალიან კარგად გამოიყენეს".

"დევიდმა ბოლო წუთებზე შესანიშნავი სეივი გააკეთა და დაგვიტოვა შანსები შემდეგ ეტაპზე გასვლისა. შედეგის გამო არავინ ილაპარაკებს ჩვენს კარგ შეტევებზე. ჩვენ კარგად ვითამაშეთ, თუმცა რაღაც პერიოდი უყურადღებოდ ვიყავით და ამიტომ მოხდა ასე"._განაცხადა რიომ.

"თქვენ ალბათ შენიშნავდით, რომ დაღლილები ვიყავით. ეს კარგად გამოჩნდა მას შემდეგ რაც თამაში უფრო გაიხსნა. მაგრამ ეს არ შეიძლება ყველაფრის საბაბი გახდეს. ჩვენ კვლავ გამოვდივართ თასზე და "უემბლიზე" მოხვედრის შანსები გვაქვს. ჩვენს ძალებში დარწმუნებულები ვართ და ყველაფერს გავაკეთებთ მოსაგებად. ამ სეზონში ძალიან კარგად გამოვიყურებით, ნებისმიერ მეტოქეს ჩვენი უნდა ეშინოდეს".

წყარო: Redevils.ru