ნილ ეშტონი წერს Daily Mail-ში... როი ჰოჯსონი ინგლისის სამწრვთნელი შტაბთან დღეს შეხვედრას მართავს, სადაც რიო ფერდინანდი განხილვის ერთ-ერთი საკითხი იქნება. ხუთშაბათს, ინგლისელთა მთავარ მწვრთნელს სან მარინოს ნაკრებთან დასაპირისპირებლად 23 კაციანი განაცხადის შედგენა მოუწევს. ჰოჯსონის გუნდი მსოფლიო ჩემპიონატის საკვალიფიკაციო ეტაპის მატჩს სან მარინოსთან 22 მარტს გამართავს, ოთხი დღის შემდეგ კი მონტენეგროს ნაკრებს დაუპირისპირდება. რიო ფერდინანდს დიდი ალბათობით, ნაკრებში გამოიძახებენ. ჰოჯსონი შეხვდა თავის ასისტენტ და ფერდინანდის ყოფილ თანაგუნდელ გარი ნევილს, ასევე როი ლივინგტონს. შეხვედრა „მანჩესტერელი“ მცველისთვის შესაძლოა ნაკრებში დასაბრუნებლად მთავარი ბიძგი გამოდგეს. როი თვალს ადევნებდა მანჩესტერისა და ჩელსის შეხვედრას, სადაც 7 ინგლისელი მონაწილეობდა - მათ შორის ფერდინანდიც. ის მოწოდების სიმაღლეზე იყო გუშინაც და ჩემპიონთა ლიგის ორივე მატჩში „რეალთან“. თუ მას შეუძლია ითამაშოს ევროპის ყველაზე დიდ კლუბებთან, მონტენეგრო და სან მარინო გამოცდილი მცველისთვის არანაირ პრობლემას არ უნდა წარმოადგენდეს.