ერიკ ტენ ჰაგის სატრანსფერო სიის ლიდერები მოწინავე პოზიციებს იკავებენ. თავდამსხმელის შემდეგ სპეციალისტს ფეხბურთელის წამოყვანა გერმანიიდანაც სურს.

საუბარია ჯუდი ბელინგემზე რომელიც ამჟამად დორტმუნდის "ბორუსიას" ღირსებას იცავს.

Manchester Evening News-ის ცნობით, ნიდერლანდელმა თავის გარემოცვას აცნობა, რომ თუ მას შეეძლო მსოფლიოს მასშტაბით რომელიმე ფეხბურთელის გაფორმება, ის აუცილებლად აირჩევდა ბელინგემს და ასევე აღნიშნა მისი შესანიშნავი თამაში ყატარში გასულ მსოფლიო ჩემპიონატზე.

წყაროს ცნობით, ახალგაზრდა ნახევარმცველის თამაშით აღფრთოვანებულები არიან "წითელი ეშმაკების" ლიდერებიც.

აღსანიშნავია, რომ მენეჯერი გერმანული კლუბის თამაშებს ხშირად უყურებს, ძნელი გამოსაცნობი არაა თუ ვის უთვალთვალებს ინგლისური გრანდის ბოსი.

ამ სეზონში ნახევარმცველმა ყველა ტურნირზე 37 მატჩი ჩაატარა, 10 გოლი გაიტანა და 7 საგოლე გადაცემა გააკეთა.

პორტალი Transfermarkt ფეხბურთელის ღირებულებას 120 მილიონ ევროდ აფასებს.