აღსანიშნავია ის ფაქტი, რომ "წითლებმა" ევროპა ლიგიდან უკვე ორი ესპანური გუნდის გამოთიშვა შეძლეს.

"ევერტონთან" მატჩის ბოლოს რეშფორდმა ვერ შეძლო გაეგრძელებინა თამაში და ჰაგი იძულებული გახდა შეეცვალა.

"ახლა რეშფორდს უნდა დაველოდოთ. ჩვენ უნდა ვნახოთ რა მდგომარეობაა და რამდენად ცუდია ვითარება. ჩვენ ველოდებით 24, 36 საათს და შემდეგ გვეცოდინება მეტი",- თქვა დასასრულს ტენ ჰაგმა.

ლუკ შოუმ "ბრენტფორდის" წინააღმდეგ გამართულ მატჩში ტრავმა მიიღო, შესაბამისად მისი თამაში გამორიცხულია "ანდალუსიელების" წინააღმდეგ.

მიუხედავად ამისა ინგლისელი თავდაუზოგავად ვარჯიშობს დასაბრუნებლად, მაგრამ დიდი ალბათობით მისი დაბრუნება ვერ მოხერხდება ხუთშაბათს გასამართი მატჩისთვის.

კრისტიან ერიკსენი გუნდს ორ თვიანი პაუზის შემდეგ დაუბრუნდა და სათამაშო წუთებიც მიიღო "ევერტონთან" მატჩში. გუნდს დაუბრუნდა აგრეთვე ენტონი მარსიალი, რომელმაც აღნიშნულ დაპირისპირებაში გოლის გატანა მოახერხა.

კაზემიროს შეუძლია "სევილიასთან" გასამართ მატჩში მონაწილეობის მიღება, ბოლოს მან "ბეტისის" წინააღმდეგ იასპარეზა. თუმცა აღსანიშნავია ისიც, რომ ერთი ყვითელი ბარათი აშორებთ მასაც და ბრუნო ფერნანდეშსაც დისკვალიფიკაციამდე, შესაბამისად დიდი სიფრთხილის გამოჩენა მოუწევს ორივე ფეხბურთელს.

ალეხანდრო გარნაჩო, ტომ ჰიტონი და დონი ვან დე ბეკი ტრავმის გამო არ იქნებიან.