პორტუგალიელი თავდამსხმელი გონსალო რამოსი, რომელიც ლისაბონის "ბენფიკას" ღირსებას იცავს, ევროპის ორი ტოპ კლუბის ინტერესთა სფეროშია მოქცეული.

Todofichajes-ის ჟურნალისტების მიერ გავრცელებული ცნობით, 21 წლის ფეხბურთელისთვის სატრანსფერო ბრძოლაში მადრიდის "რეალი" და "მანჩესტერ იუნაიტედი" ერთმანეთს დაუპირისპირდებიან.

ორივე კლუბი რამოსის შეძენას ზაფხულის სატრანსფერო ფანჯარაში ეცდება. პოტენციური ტრანსფერის თანხა შეიძლება დაახლოებით 100 მილიონი ევრო იყოს.

თუმცა სავარაუდოა ისიც, რომ ერიკ ტენ ჰაგის მთავარი ფავორიტი დამრტყმელი ძალა ჰარი კეინი და ვიქტორ ოსიმენი გახლავთ, თუ აღნიშნული ფეხბურთელების ხელმისაწვდომობა "იუნაიტედს" ვერ ექნება კლუბი რამოსის ტრანსფერზე გადაერთვება.

პორტუგალიის ჩემპიონატის მიმდინარე სეზონში თავდამსხმელმა 22 მატჩში 17 გოლი გაიტანა და 2 საგოლე გადაცემა გააკეთა.
გონსალოს მოქმედი კონტრაქტი "ბენფიკასთან" 2026 წლის შუა რიცხვებამდეა გათვლილი.