ერიკ ტენ ჰეგი უკმაყოფილო არის "მანჩესტერ იუნაიტედის" ფეხბურთელებით, რადგან მისი აზრით, ისინი საკმარისად არ იყვნენ გაბრაზებულები გუშინდელი განცდილი მარცხის შემდეგ "ნიუკასლთან".

"წითელი ეშმაკები" ჯო უილოკისა და კალუმ უილსონის გოლებით დამარცხდნენ "კაჭკაჭებთან" ანგარიშით 2-0.

ჰოლანდიელი მწვრთნელი უკმაყოფილოა თავისი ფეხბურთელების სხეულის ენით, რადგან გრძნობდა, რომ ოპონენტები მოედანზე მის მოთამაშეებზე უფრო გაბრაზებულნი ჩანდნენ, რაც მათ გამარჯვების მოპოვებაში დაეხმარა.

BBC Radio 5Live-თან საუბრისას ტენ ჰაგმა თქვა: "გასახდელში თამაშის შემდეგ ვთქვი: არ შეიძლება მეტოქე ჩვენზე გაბრაზებული იყოს".

"მანჩესტერ იუნაიტედი" წაგების შემდეგ მეოთხე პოზიციაზე ჩამოქვეითდა და ახლა ისინი 50 ქულით არიან გათანაბრებული მესამე ადგილზე გასულ "ნიუკასლთან".მათ მჭიდროდ მოსდევს "ტოტენჰემი", რომელიც ორ გუნდს ერთი ქულით ჩამორჩება და მტკიცედ დგას რბოლაში საუკეთესო ოთხ გუნდს შორის ადგილის დასაკავებლად.

ტენ ჰააგის გუნდი მომდევნო მატჩს პრემიერლიგაში გამართავს "ბრენტფორდის" წინააღმდეგ ოლდ ტრაფორდზე, აღნიშნილი დაპირისპირება 5 აპრილს შედგება.