"მანჩესტერ იუნაიტედის" მთავარი მწვრთნელის თქმით მარსიალმა ვარჯიში დაიწყო და შესაბამისად კვირას, "ნიუკასლის" წინააღმდეგ განაცხადში იქნება და შეძლებს გუნდის დახმარებას.

საფრანგეთის ეროვნული ნაკრების ფორვარდმა ბოლოს თებერვლის დასაწყისში ითამაშა "კარაბაოს თასზე" "ნოტინგემის" წინააღმდეგ, აღნიშნული მატჩი 2-0 დასრულდა "მანჩესტერელთა" ტრიუმფით.

მარსიალს ჰქონდა ბარძაყზე პრობლემა, მაგრამ მან ბევრი იმუშავა სანაკრებო პაუზის პერიოდში. ტენ ჰაგი იმედოვნებს, რომ მარსიალს შეუძლია გუნდისთვის მნიშვნელოვანი ფიგურა იყოს და "ნიუკასლის" წინააღმდეგ მნიშვნელოვან შეხვედრაში საკუთარი სიტყვა თქვას.

"კაჭკაჭები" ლიგის ცხრილში სამი ქულით ჩამორჩებიან "წითლებს", მაგრამ გამარჯვების შემთხვევაში გადაასწრებენ, რადგან მათ აქვთ უპირატესობა გოლების სხვაობაში.

"ის ვარჯიშობს უკვე ორი კვირაა, ვფიქრობ, მას შეუძლია კვირას განაცხადში იყოს”- განუცხადა ტენ ჰეგმა ჟურნალისტებს "კერინგტონში" პარასკევს.

მარსიალმა მიმდინარე სეზონში ყველა ტურნირზე 14 მატჩი ჩაატარა პირველ გუნდში, გაიტანა ექვსი გოლი და მიითვალა ორი საგოლე გადაცემა.