მარკუს რაშფორდის ამჟამინდელი კონტრაქტი "მანჩესტერ იუნაიტედთან" 2024 წლის შუა რიცხვებამდეა გათვლილი და კლუბს სურს, რომ რაც შეიძლება მალე მიაღწიოს შეთანხმებას ახალ შრომით ხელშეკრულებაზე.

არსებობდა ინფორმაცია, რომ თითქოს რაშფორდი გარკვეულ ფინანსურ მოთხოვნებს წაუყენებდა კლუბს. ამის შესახებ ფეხბურთელმა კომენტარი თავად გააკეთა და ყველაფერი უარყო.

"კიდევ ერთი შეფუთული ამბავი ჩემი და ჩემი აგენტების მოთხოვნის შესახებ, ეს სრული სისულელეა! ჩემი მიზანი იგივეა, რაც კლუბის მიზანი, რაც შეიძლება მაღლა დადგეს და ცდილობდეს ერთი ან მეტი ტიტულის მოგებას", - ციტირებს ფაბრიციო რომანო მარკუს რაშფორდის სიტყვებს.

დიდი ალბათობით კლუბსა და ფეხბურთელის წარმომადგენლებს შორის შეხვედრები მალე წარიმართება რის შემდეგაც მოლაპარაკებები ახალი ხელშეკრულების გაფორმების შესახებ დადებით სახეს მიიღებს.