"მანჩესტერ იუნაიტედის" დამრტყმელი ძალა მარკუს რეშფორდი, გულშემატკივრებისდა სამწუხაროდ, ეროვნულ გუნდს საერთაშორისო მატჩების მომდევნო ეტაპზე ვერ დაეხმარება.

თავდამსხმელი ინგლისის თასის მეოთხედფინალში "ფულჰემთან" მატჩში დაშავდა - მას ფეხის არეში მცირე სისხლჩაქცევების დიაგნოზი დაუსვეს. ამის შესახებ კლუბის პრეს-სამსახური იტყობინება.

შეგახსენებთ, რომ ბრიტანელები, საკლუბო ფეხბურთის პაუზის ფარგლებში, 2024 წლის ევროპის ჩემპიონატის შესარჩევ ეტაპზე იასპარეზებენ.

გარეთ საუთგეითის შეგირდები ევროპის მოქმედ ჩემპიონთან გაარკვევენ საუკეთესოს ვინაობას, რომელსაც წარმოადგენს იტალიის ნაკრები.

მომდევნო მეტოქე კი უკრაინის ნაკრები იქნება. თამაშები, შესაბამისად, 23 და 26 მარტს გაიმართება.