მილანის "ინტერმა" და "მანჩესტერ იუნაიტედმა" შესაძლოა ფეხბურთელების გაცვლის შესახებ აწარმოონ მოლაპარაკებები.

"წითელი ეშმაკები" ჰოლანდიელი გარემარბის, დენზელ დიუმფრისის შეძენით არიან დაინტერესებული.

გარიგების ფარგლებში "ოლდ ტრაფორდელები" მზად არიან "ნერაძურის" თავიანთი მცველი ვიქტორ ლინდელოფის კანდიდატურა წარუდგინონ.

"იუნაიტედის" მთავარი მწვრთნელი ერიკ ტენ ჰაგი დიუმფრისით პირადად არის დაინტერესებული. თავის მხრივ, "ინტერი" დაცვის ხაზის გაძლიერების წინააღმდეგი არ გახლავთ.

გაცვლა შეიძლება ორმხრივად მომგებიანი აღმოჩნდეს ორივე კლუბისთვის.

ამ სეზონში დიუმფრისმა სერია A-ში 23 მატჩი ჩაატარა, პირადი აქტივი კი გოლით და სამი საგოლე გადაცემით შეავსო.

ლინდელოფმა კი პრემიერ ლიგის ცხრა შეხვედრაში მიიღო მონაწილეობა.