ევროპა ლიგის 1/8 ფინალის მატჩში "მანჩესტერ იუნაიტედმა" კიდევ ერთი ევროპული გუნდი დაამარცხა.

"წითელმა ეშმაკებმა" მანუელ პელეგრინის "ბეტისი" პირწმინდად 4-1 დაჯაბნეს.

ინგლისური გრანდის ყოფილი, ლეგენდარული ნახევარმცველი პოლ სქოულზი აღფრთოვანებულია ერიკ ტენ ჰაგის შეგირდების თამაშით.

მას განსაკუთრებით მოეწონა ნახევარმცველის ბრუნო ფერნანდეშის გამოსვლა, რომელიც "ლივერპულთან" ჩატარებული მატჩის შემდეგ მკაცრად გააკრიტიკეს.

"ბრუნო ფერნანდეშმა დღეს თავისი ხასიათი გამოავლინა. მათ თამაში ძალიან კარგად დაიწყეს, მაგრამ შესვენებამდე მცირე შეფერხება იყო.

მეორე ტაიმი შესანიშნავად წარიმართა ბრუნო კი კარნახობდა მოედნის შუაგულში არსებულ სიტუაციას", - ციტირებს პოლ სქოულზის სიტყვებს BT Sport-ი.