"ტოტენჰემის" თავდამსხმელი ჰარი კეინი "მანჩესტერ იუნაიტედის" სატრანსფერო სიას ლიდერობს.

"წითელი ეშმაკები" 29 წლის ფეხბურთელის შეძენას ზაფხულის სატრანსფერო ფანჯრის გახსნისთანავე ეცდებიან, ჰარის "სპურსთან" კონტრაქტი 2024 წელს ეწურება.

The Guardian-ის ცნობით, სწორედ კეინი არის ამჟამად "მანჩესტერ იუნაიტედის" მთავარი მიზანი მომავალი სატრანსფერო ფანჯრისთვის.

ერიკ ტენ ჰაგს სურს იხილოს ახალი თავდამსხმელი თავის გუნდში, რადგან ვაუთ ვეგჰორსტის იჯარა სეზონის ბოლოს დასრულდება.

Transfermarkt-ის ცნობით, ჰარი კეინის სატრანსფერო ღირებულება 90 მილიონი ევროა. ფეხბურთელმა მიმდინარე სეზონში 37 მატჩში 20 გოლი გაიტანა.