პოლ სქოულზი დარწმუნებულია, რომ "მანჩესტერ იუნაიტედის" ამ გუნდს აქვს ის, რაც ამ ყველაფერს გამოასწორებს.

"მისმინეთ , არ მინდა ამ გუნდის მიმართ უპატივცემულო ვიყო, რადგან ისინი შესანიშნავად ასპარეზობდნენ და მოიგეს თასი. სიტყვა "უცნაური“ მიტრიალებს თავში, რადგან მართლაც ძალიან უცნაური დღე იყო. ვფიქრობ, ამ გუნდს აქვს საკმარისი გამოცდილება, ხასიათი და ხარისხი ასეთი ფსიქოლოგიური დარტყმისგან თავის ხელში ასაყვანად."

სქოულზმა რამდენიმე სიტყვა ბრუნო ფერნანდეშზეც თქვა, რომელიც "ლივერპულთან" მატჩში საკუთარ თავს არ ჰგავდა.

ნამდვილად ვწუხვარ ბრუნოს გამო. რა პოზიციაზეც არ დააყენეს აქამდე, ყველგან გუნდისთვის და გუნდზე მუშაობდა. მან მოსინჯა მარჯვნივ, მარცხნივ და ცენტრში - ყველგან. დღეს არც ერთი ფეხბურთელი არ იყო მოწოდების სიმაღლეზე, მაგრამ შეიძლება ითქვას , რომ ბრუნოს საერთოდ არ უთამაშია.

ნამდვილად ცუდი დღე გამოდგა მისთვის. მგონია, რომ გუნდში რამდენიმე მოთამაშეა, რომლებიც ასეთ დიდ მატჩებში ვერ თამაშობენ. ვფიქრობ, რომ მარჯვენა მცველის პოზიცია "იუნაიტედითვის" აშკარად პრობლემურია და თავდამსხმელიც სჭირდებათ, თუ მარსიალი ექიმების გარემოცვაში ყოფნას გააგრძელებს." - განუცხადა პოლმა Manchester evening news-ის ჟურნალისტს.