"მანჩესტერ იუნაიტედის" ფორვარდისთვის მეისონ გრინვუდისთვის ინგლისის ნაკრების კარი დაკეტილია, ამის შესახებ ტაბლოიდი The Sun იუწყება.

თავდამსხმელს, რომელიც შეყვარებულის მიმართ გამოვლენილ ძალადობაში იყო ბრალდებული, ნაკრებში დაბრუნება სურს, თუმცა "სამი ლომის" მთავარი მწვრთნელი გარეტ საუთგეიტი კატეგორიული წინააღმდეგია.

წყარო აღნიშნავს, რომ დედობრივი ფესვების წყალობით გრინვუდმა შესაძლოა იამაიკის ნაკრებში თამაშის უფლება მოიპოვოს.

თავდამსხმელმა ინგლისის ნაკრებში ერთი თამაში ჩაატარა. გრინვუდი "მანჩესტერ იუნაიტედში" 2018 წლიდან თამაშობს.

მანამდე ასევე გავრცელდა ინფორმაცია, რომ თავდამსხმელი მოედანზე სეზონის ბოლომდე არ გამოვა.