ინგლისის პრემიერ ლიგაში მომავალ კვირას ჩრდილო-დასავლეთის დერბი "ლივერპულსა" და "მანჩესტერ იუნაიტედს" შორის გაიმართება.

"წითელი ეშმაკების“ მესაჭემ ერიკ ტენ ჰაგმა გუნდში საკადრო მდგომარეობაზე მცირე კომენტარი გააკეთა.

"ვფიქრობ, რამდენიმე მოთამაშე დაბრუნდება. ლუკ შოუმ "ვესტ ჰემთან" მატჩი გამოტოვა და მის დაბრუნებას ველით.

ჯეიდონ სანჩო ავად იყო, მას თვალი უნდა ვადევნოთ. მაგრამ ვფიქრობ, რომ მასაც შეუძლია თამაში", - განუცხადა ტენ ჰაგმა დასასრულს ჟურნალისტებს.

მატჩი "ლივერპული" - "მანჩესტერ იუნაიტედი" 5 მარტს თბილისის დროით 20:30 სთ-ზე დაიწყება.