წარმატებული სვლა გრძელდება, ბრენდან როჯერსის "ლესტერი" დამარცხებულია საჩემპიონო რბოლაში ერიკ ტენ ჰაგი და მისი შეგირდები აქტიურად არიან ჩართულნი.

გუშინდელი შეხვედრის დასრულების შემდეგ "წითელი ეშმაკების" მენეჯერმა ტრადიციულად ჟურნალისტებისთვის მიცემულ ინტერვიუში საკუთარი შეგირდი შეაქო.

საქმე ეხება ვუთ ვეგჰორსტს, რომელიც მიუხედავად იმისა რომ სტატისტიკის მიხედვით შედეგიანი ვერ არის თუმცა მისი მოქმედებები მოედანზე სარგებლის მომტანია გუნდისთვის.

"ბურთისთვის ბრძოლას იგებს, ზეწოლას ახდენს მოწინააღმდეგეზე. შეტევების განვითარებაში მნიშვნელოვანი წვლილი შეაქვს.

თუ გადავხედავთ ჩვენს მესამე გოლს, ნათლად დაინახავთ, თუ რა მნიშვნელობა აქვს მას თავისი მოძრაობებით.

ვეგჰორსტმა ბრუნსა და რეშფორდს გაუხსნა სივრცე გოლის გასატანად, ის ჩვენთვის მნიშვნელოვანი ფეხბურთელია.

ახლა ჩვენ სატიტულო რბოლაზე ვფიქრობთ
ხუთშაბათს გვაქვს ყველაზე მნიშვნელოვანი თამაში "ბარსელონას" წინააღმდეგ ევროპა ლიგაზე და მთელი ჩვენი ფიქრები ამისკენაა მიმართული. უნდა ვიბრძოლოთ მოედანზე, გულშემატკივრებმა კი "ოლდ ტრაფორდი" ციხესიმაგრედ უნდა აქციონ",- განაცხადა ტენ ჰაგმა.