ვუთ ვეგჰორსტი - ტრანსფერი რომელიც ალბათ უფრო დროებითია ვიდრე გრძელვადიანი, ერიკ ტენ ჰაგის გუნდს პერსპექტიული ახალგაზრდა ნიჭიერი დამრტყმელი ძალა სურს.

მარტივი მისახვედრია, რომ ნიგერიელი ცენტრფორვარდი ვიქტორ ოსიმჰენი, რომელიც ამჟამად იტალიის ჩემპიონატში "ნაპოლის" რიგებში ირიცხება, მსოფლიოს მასშტაბით ერთ ერთ ნიჭიერ ახალგაზრდად ითვლება და მეტოქეების კარის დალაშქვრა არ უჭირს.

Calciomercato News-ის ჟურნალისტების ცნობით, "მანჩესტერ იუნაიტედი" აფრიკელი თავდამსხმელის შეძენას აპირებს. "წითელი ეშმაკების" ხელმძღვანელობა მზადაა თავდამსხმელისთვის 120 მილიონი ფუნტი (135 მილიონი ევრო) გამოყოს.

სერია A-ს მიმდინარე გათამაშებაში 24 წლის თავდამსხმელმა 18 შეხვედრა ჩაატარა, რომელშიც 17 გოლი გაიტანა და სამი საგოლე გადაცემაც შეასრულა. ოსიმჰენის მოქმედი კონტრაქტი "ნაპოლისთან" 2025 წლის ზაფხულამდეა ძალაში.