ინგლისელი თავდამსხმელი მარკუს რაშფორდი ფრანგული "პსჟ"- ს ინტერესთა სფეროში ყოფნას აგრძელებს, საფრანგეთში სულ უფრო სერიოზულად ფიქრობენ ინგლისელების შემტევ ძალაზე, ამის შესახებ Fichajes-ის გვერდები იტყობინება.
პარიზული გრანდი მზადაა მომავალ სატრანსფერო ფანჯარაში "მანჩესტერ იუნაიტედს" ფეხბურთელის შეძენის თაობაზე ოფიციალურად მიმართოს.
მარკუსის კონტრაქტი "წითელ ეშმაკებთა" 2024 წლის ზაფხულამდეა ძალაში. 25 წლის თავდამსხმელის სატრანსფერო ღირებულება 55 მილიონ ევროდ არის შეფასებული.
რაშფორდი მანჩესტერ იუნაიტედის ფერებს 2016 წლის იანვრიდან იცავს.
ამ სეზონში თავდამსხმელმა ინგლისის პრემიერ ლიგაში 21 მატჩი ჩაატარა, ათი გოლი გაიტანა და სამი საგოლე გადაცემაც მიითვალა პირად აქტივში.