ექსკლუზიურ ინტერვიუში MUTV-სთან სერ ალექსმა ანალიზი გაუკეთა ჩემპიონთა ლიგის თამაშს მადრიდის "რეალთან" და ახსნა, თუ რატომ გაუშვა გუნდმა ორი გოლი ნანის მოედნიდან გაძევების შემდეგ. რა საკვირველია, გაძევებამ დიდი როლი ითამაშა, მაგრამ დაისმის კიდევ ერთი კითხვა, რატომ ვერ შეძლო "წითლებმა" ანგარიშის შენარჩუნება ათი ფეხბურთელით, მითუმეტეს, მაშინ როდესაც მადრიდელები თავის საუკეთესო თამაშს არ ატარებდნენ.

"სიმართლე გითხრათ, რთულია შეეგუა მარცხს, მაშინ, როდესაც ჩვენ, ამდენი ვიშრობეთ ორივე შეხვედრისთვის. ბიჭებმა მაღალი დონის ფეხბურთი აჩვენეს, გულშემატკივრების მხარდაჭერა კი წარმოუდგენელი იყო. ჩვენ, დაუმსახურებლად დავმარცხდით და ეს ფაქტია! როდესაც მსაჯმა წითელი ბარათი ამოიღო, ამის დაჯერება ძალიან გამიჭირდა. უბრალოდ თავშიც არ ეტევა. ყველა ჩვენგანმა იცის, რომ მსაჯმა არასწორი გადაწყვეტილება მიიღო. მე მგონია, რომ ფეხბურთელები ისე იყვნენ შოკირებულნი, რომ მხოლოდ მაშინ მოვიდნენ აზრზე, როდესაც მეორე გოლი გაუშვეს. ამის შემდეგ გუნდი აღსდგა და არაჩვეულებრივი 15 წუთი ჩაატარა. ბიჭები შეუდარებელნი იყვნენ და მათ ნამდვილად შეეძლოთ ხუთი გოლის გატანა. გუნდისათვის, რომელიც ათი ფეხბურთელით თამაშობდა-ფანტასტიური გამოსვლა იყო."

"მორიგი შეცდომის გამო, გუნდი მწყობიდან 10 წუთით გამოვიდა. ფეხბურთელები, თითქოს ჭაობში იძირებოდნენ, რაც ძალიან ძვირად დაგვიჯდა. ეს რომ სამართლიანი გაძევება ყოფილიყო, ყველაფერი მწყობში იქნებოდა, რადან გუნდმა ტაკტიკურად არაჩვეულებრივად ითამაშა. ჩვენ, მოწინააღმდეგე გუნდისთვის ერთი შანსიც არ მიგვიცია იმისა, რომ გოლი გაეტანა და ასე შეგვეძლო გვეთამაშა ბოლო წუთამდეც. ყველა მათი თამაში განხილული იქნა ჩვენს მიერ და ვიცოდით მათი დადებით-უარყოფითი მხარეები. ვიზრუნეთ იმაზეც, რომ მათთვის შეგვექმნა უამრავი პრობლემა. რაიან გიგზის თამაშმა ძალიან გააწვალა "რეალის" მარცხენა მცველი, რადგან მან არ იცოდა, შეტევაში წასულიყო თუ დაცვაში დარჩენილიყო, რომელსაც აქტიურად ლაშქრავდა რაფაელი. ამასთან ერთად, ნანიმ არაჩვეულებრივად ითამაშა მარცხენა ფლანგზე ალვარო არბელოას წინააღმდეგ."

წყარო-Manutd.ru