"მანჩესტერ იუნაიტედის" ფრანგმა ცენტრალურმა მცველმა რაფაელ ვარანმა საერთაშორისო სანაკრებო ფეხბურთიდან წასვლის შესახებ განაცხადა.

29 წლის ფეხბურთელი ყველასთვის მოულოდნელად საფრანგეთის ნაკრებში საკუთარი სურვილისამებრ აღარ ითამაშებს.

რაფაელმა გადაწყვიტა ფოკუსირება საკლუბო ფეხბურთზე მოახდინოს. შეგახსენებთ, რომ მცველის დებიუტი საფრანგეთის ნაკრებში 2013 წლის მარტში შედგა და მას შემდეგ გუნდში 93 მატჩი ჩაატარა ყველა ტურნირზე ერთადაღებული.

ვარანის საერთაშორისო კარიერის დაგვირგვინება იყო 2018 წლის რუსეთში გამართულ მსოფლიო ჩემპიონატზე გამარჯვება. ყატარში 2022 წლის მსოფლიო ჩემპიონატზე დიდიე დეშამის შეგირდები კი ვერცხლის მედლებით შემოიფარგლნენ.

შეგახსენებთ, რომ ვარანი მადრიდის "რეალის" შემადგენლობაში ჩემპიონთა ლიგის 4-გზის გამარჯვებულია. ფეხბურთელი "მანჩესტერ იუნაიტედში" 2021 წლის ზაფხულიდან თამაშობს.