ინგლისის თასის შეხვედრაში "რედინგის" წინააღმდეგ შესრულებული საოცარი პერფორმანსის შემდეგ ჟურნალისტებისთვის მიცემულ ინტერვიუში კაზემირომ კლუბის მართ გრძნობებზე ისაუბრა.

შეგახსენებთ, რომ შეხვედრა "წითელი ეშმაკების" გამარჯვებით 3-1 დასრულდა სადაც ნახევარმცველმა დუბლი შეასრულა.

"ჩემთვის ძალიან მნიშვნელოვანია გაიტანო "მანჩესტერ იუნაიტედისთვის". მოხარული ვარ, რომ გუნდს ვეხმარები.

ყველამ იცის, რომ ჩემი მთავარი როლი გოლების გატანა არ არის. გუნდში ბალანსი უნდა დავიცვა - კარგად დავიცვა და შეტევაში პასები გავაკეთო. თუმცა, ეჭვგარეშეა, ამ დუბლიმ გამახარა, აქ ბედნიერი ვარ და თითოეული წუთით საოცარ შეგრძნებებს ვიღებ, ყველაფერი ბავშვივით მიხარია", - ავრცელებს ბრაზილიელის სიტყვებს კლუბის პრეს-სამსახური.

კაზემირო "მანჩესტერ იუნაიტედში" გასულ ზაფხულს მადრიდის "რეალიდან" გადავიდა. პრემიერ ლიგის მიმდინარე სეზონში ბრაზილიელმა 16 მატჩში ორი გოლი გაიტანა და სამი საგოლე გადაცემა გააკეთა.