ცალსახაა, რომ ზაფხულის სატრანსფერო ფანჯრის გახსნისთანავე ჰარი კეინი ერთ ერთი უმთავრესი ფიგურა იქნება პრესის ფურცლებისთვის.

29 წლის თავდამსხმელს მოქმედი კონტრაქტი მომავალი სეზონის ბოლოს ეწურება, რითაც მიუნხენის "ბაიერნსა" და "მანჩესტერ იუნაიტედს" შეუძლიათ ისარგებლონ აღნიშნული სიტუაციით.

თუმცა, ინსაიდერის ფლორიან პლეტენბერგის ახალი მოხსენების თანახმად, "სპურსის" ხელმძღვანელობა ოპტიმისტურად არის განწყობილი კეინის მომავლის მიმართ მის აგენტთან მოლაპარაკებების მორიგი რაუნდის შემდეგ.

კლუბში მიაჩნიათ, რომ ინგლისის ეროვნული ნაკრების ერთ ერთმა ლიდერმა დიდი ალბათობით მიიღო გადაწყვეტილება კონტრაქტის გახანგრძლივების შესახებ, ხოლო "ბაიერნმა" თითქმის დაკარგა ძვირადღირებული თავდამსხმელის შეძენის იმედი. უცნობია რას მოიფიქრებს "იუნაიტედი".

მიმდინარე სეზონში ჰარი კეინმა 29 მატჩში 18 გოლი გაიტანა და 3 საგოლე გადაცემაც შემატა პირად აქტივს.